Kultursamskipnaden Lått står bak Kvammarevyen. Lått har tre stiftarar: Eirik Kvarv, Sigbjørn Linga og Håvard Markhus.

Me innsåg brått at livet vårt verka meiningslaust og rutineprega, og kom i snakk om det. Heldigvis fann me ei løysing: Me må skipa til revy! Slik vart det.

Målet vårt er å ha det moro, å tilføra mange andre moro og  å fylla det me trur er eit vakuum i kulturlivet i Kvam: lettbeint underhaldning, fjas og satire, helst med ein snev av raffinement, bygt på det beste av det gamle, men samstundes nyskapande .

Lukkast me, er det supert. Mislukkast me, har me freista.